Со самиот почеток на учебната 2016/2017 година започна и соработката на наставникот по француски јазик Ирена Наумоска со младите волонтери од Франција (Sebastien Hays Cloutour, Baptiste Arnaud, Meidhi Charvet) при Младинскиот информативен и советодавен центар Инфо Сега. Слушањето на автентичниот француски јазик како и многобројните активности и игри кои се применуваат во текот на часовите по француски јазик го направија изучувањето на овој предмет да биде на огромно задоволство од страна на учениците од шесто, седмо, осмо и деветто одделение. Се поттикнува мотивацијата и интересот кај учениците како и развивањето на говорните вештини т.е. изразувањето на француски јазик. Преку различни работилници се стимулира примената на познавањето на овој странски јазик во реални ситуации.
