Вести и настани

ДРЖАВНИ НАГРАДИ НА ЛИКОВЕН КОНКУРС

Published on

Пет први и едно второ место освоија ученици од одделеска и предметна настава на Државниот ликовен конкурс во организацијa на Македонскиот кинолошки клуб „Македонски паничар“ на тема „Македонските раси на кучиња, најдрагите придружници на децата“: Сара Искова 1 место, Дарија Геговска 1 место, Хари Стеваноски 1 место, Андреа Иваноска 1 место, Матеј Мицкоски 1 место, Тимотеј Исков 2 место.

Македонските кинолози со голема љубов и труд се обидуваат со организирано одгледување да ги зачуваат за идните генерации шесте македонски раси на кучиња: Македонски паничар, Македонско овчарско куче – Караман, Мијачко овчарско куче, Македонски хрт, Македонски царски загар и Шарпланинец.

Расните кучиња имаат своја употребна вредност па така, три од овие шест раси се за заштита на стадата од диви ѕверови (Македонско овчарско куче – Караман, Мијачко овчарско куче, Шарпланинец), две се ловни раси (Македонски хрт и Македонскиот царски загар) и една е за придружба и забава како и за чување на имотот, Македонскиот паничар.

Среќни сме што со наштите ликовни творби дадовме придонес во зачувувањето на ова македонско кинолошко наследство оставено од нашите предци.

Popular Posts

© 2015 - 2020 OOUGOCEDELCEV.EDU.MK. ALL RIGHTS RESERVED. DESIGNED AND DEVELOPED BY OOUGOCEDELCEV.EDU.MK TEAM