Вести и настани
Гордост за нашето училиште!
Со особена радост и гордост ја споделуваме веста дека нашата ученичка Андреа Иваноска освои Втора награда во категоријата проза на литературниот конкурс што го организираше ООУ „Добре Јованоски“ по повод 24 Мај – Денот на сесловенските просветители Свети Кирил и Методиј.
Со својата креативност, литературен талент и љубов кон пишаниот збор, Андреа успешно се претстави меѓу бројни учесници и заслужено го освои ова значајно признание.
Упатуваме искрени честитки до Андреа за постигнатиот успех и ѝ посакуваме уште многу инспирација, нови творечки предизвици и идни успеси!
Нека делото на Светите Кирил и Методиј продолжи да биде поттик за негување на јазикот, писменоста и културата кај младите генерации.
Честитки, Андреа!
Продолжи да нѐ правиш горди!