Детската недела (4 -10 oктомври 2021 година) во нашето училиште беше одбележана во контекст на активностите на земјите членки на ООН кои ставаат посебен акцент на детето и на правата на детето предвидени во законските регулативи имплементирани кај нас, а кои произлегуваат од Конвенцијата за правата на детето при ООН.
За оваа година мотото е поврзано со актуелната состојба со вирусот и гласи: „Јас избирам здравје, а ти?“
Под ова мото учениците од различни одделенија преку повеќе активности ги истакнаа одредбите од Конвенцијата за правата на детето, а исто така ставија акцент на информираноста на учениците за потребата од почитување на мерките кои доаѓаат од надлежните институции во борбата со КОВИД 19.
Учениците од првите одделенија ја одбележаа Неделата на детето на креативен начин преку кој се произнесоа за грижата за сопственото здравје и среќа и ги испратија своите пораки до сите деца и восрасни со желби да за почитување на правата на децата да бидат здрави и и да имаат среќен живот.
