Учениците од одделенска настава преку забавно рекреативна еко програма се вклучија во училишните активности во рамките на Отворениот ден за граѓанско образование на нашето училиште кој оваа учебна година беше посветен на темата „Да ја заштитиме планетата Земја“.
Со нивните едукативни изведби и креативни изработки се дадоа силен придонес во акцијата за унапредување на сознанијата на учениците дека е потребно постојано да се грижиме и залагаме за зачувување на здрава и чиста животна средина.
Преку нивните еко пораки истакнаа дека со нашето однесување кон планетата Земја можеме да ја подобруваме животната средина, а со тоа и квалитетот на нашето живеење.
