Вести и настани
Четири награди за нашите вредни научници
И оваа учебна година нашето училиште се вклучи во манифестацијата за популаризација на природните науки „Ноември – месец на науката“ 2019, во организација на Македонското географско друштво (МГД), Македонското биолошко друштво (МБД), Сојузот на хемичарите и технолозите на Македонија (СХТМ), Друштвото на физичарите на Република Македонија (ДФРМ), Сојузот на математичари на Македонија (СММ), Македонското астрономско друштво (МАД), Скопското астрономско друштво (САД), Македонското еколошко друштво (МЕД), Истражувачкото друштво на студенти географи „Природник“ (ИДСГ – Природник) Истражувачкото друштво на студенти биолози (ИДСБ), и Природно-математичкиот факултет (ПМФ).
Настанот беше наменет за учениците од основните и средните училишта, а оваа година истиот се одржа на Природно-математичкиот факултет во Скопје во текот на три дена во ноември 2019 година.
Во конкуренција на голем број ученици на оваа државна манифестација учениците изведуваа експерименти и ги објаснуваа проектите и процесите пред комисија составена од професори од природната група предмети во која учествуваа и професори од Природно математичкиот факултет од Скопје.
Оваа учебна година од нашето училиште наградени беа учениците :
Михајло Обрадовиќ – петто одделение – трето место, ментор Кети Иваноска;
Михаил Ѓорѓиоски – шесто одделение – второ место, ментор Кети Иваноска;
Иван Кузманоски – осмо одделение – второ место, ментор Кети Иваноска;
Елена Пиловска – деветто одделение – трето место, ментор Кети Иваноска;