Членовите на секцијата по француски јазик “Млади франкофони“ од ООУ “Гоце Делчев“ – Прилеп беа во посета на Францускиот институт во Скопје во придружба на предметниот наставник Ирена Наумоска.
Учениците имаа одлична можност да се запознаат со активностите на Францускиот институт и да разгледаат книги, романи, списанија, енциклопедии, филмови и други содржини достапни во медијатеката како и да го разгледаат онлајн каталогот со посебен акцент на стриповите и романите за млади. Со помош на таблетите од медијатеката учениците имаа можност да влезат во светот на нова генерација на интерактивни стрипови и други дигитални содржини од најновата понуда на Францускиот институт.
Учениците исто така беа информирани за полагање на испитите DELF/DALF за стекнување на интерационални дипломи за познавање на францускиот јазик како светски јазик кој што го зборуваат повеќе од 200 000 000 луѓе од сите 5 континенти во светот.
Посетата заврши со кратка виртуелна прошетка низ најзначајните културно – историски знаменитости во Париз како што се Ајфеловата кула, Музејот Лувр, Музејот Орсеј, Триумфалната порта, Базиликата Свето срце, Богородичната црква Нотр-Дам и други.
