По повод 101 година од раѓањето на великанот од Небрегово, Блаже Конески, учениците од седмо, осмо и деветто одделение од нашето училиште, а под менторство на наставничките по македонски јазик Билјана Јагуриноска, Мирјана Јованоска, Весна Крстеска и наставничката по историја Величе Лесноска ја посетивме спомен куќата на Блаже Конески во Небрегово. Во еден интегриран час се потсетивме на животот и делото, на една големина која не научи како се сака татковината и јазикот, бидејќи како што велеше Конески “Јазикот ни е нашата единствена неподелена татковина”.
Со длабок поклон му одадовме почит на кодификаторот на нашиот јазик, поетот, раскажувачот, есеистот и промоторот на нашиот јазик ширум светот.
